Resultat: "2024-01-09-God jul?" - Ukens bilde 2024
Juryoppsummering
Tema: GOD JUL? Mine kriterier for at eit bilete skal tilfredstille dette tema på ein god måte er:
1) Ein må sjå at biletet har med jul å gjere! Det held ikkje at det kunne ha vore jul.
2) Spørsmålsteiknet er ein viktig del av temabeskrivelsen. God jul eller ikkje? Det kan slå begge vegar, men sidan God Jul vanlegvis er med positivt forteikn tenkjer eg at her er det ein fordel om biletet si forteljing hellar mot noko negativt i folk flest sine auge sidan ein stiller spørsmålsteikn ved den gode jula.
3) I tillegg, uavhengig av tema og forteljing, er det sjølvsagt gunstig at biletet har visuelle kvalitetar (komposisjon/lys osv) og er eit likandes bilete.
Med desse tre kriteria lagt til grunn for juryeringa føler eg at premieringa gav seg sjølv så godt som "objektivt" sjølv om den alltid vil vere subjektiv!
Bileta som dessverre ikkje nådde opp denne gang har då i større eller mindre grad feila på eit eller fleire av desse kriteria.
1
De kommer nok snart
1. plass
Id:1552
Konkurranse: Ukens bilde 2024
Runde: 2024-01-09-God jul?
Dette likte eg svært godt!
1) Så absolutt jul her med lysestaken og nissen i vindauget. I tillegg julesnøen som dalar ned og ned og gjev ei fin råme rundt det som skulle ha vore fredfull og god jul. Raud vegg harmonerar også med jul.
2) MEN, det ein elles ser innanfor vindauga dreg historia i ei retning som ser alt anna enn optimal-jul ut. Ein einsleg og tilsynelatande einsam person i eit grelt, hardt og kaldt lys som forsterkar følelsen av ei stusseleg jul. Eller er vi vitne til eit åsted for ein forbrytelse som har funne stad midt i juletida - mannen i huset har nettopp teke kona av dage og no står han der rådvill om han skal fullbyrde det han hadde bestemt seg for - at det no var hans eigen tur? Ikkje veit eg, men eg føler uansett alt anna enn positiv julestemning der inne - meir eit sterkt ubehag og uhygge!
3) Enkel og rein komposisjon som spelar på lag med historia.
GRATULERER med ein udiskutabel ukens bilde premie på dette tema i denne juryen sine auge!
2
No more kissing
Id:1560
Konkurranse: Ukens bilde 2024
Runde: 2024-01-09-God jul?
1) Jul? - ja! Med juletre med kule er ein ikkje i tvil om det.
2) Knust kule i seg sjølv tyder på ei jul som kunne vore betre. Treng ikkje vere verre enn eit lite uhell, men kan også være meir dramatiske ting som har hendt. Men i kombinasjon med at motiv på kula er misteltein så blir det ein djupare symbolikk her - kjærleiken som brast - kanskje den første jula etter at ein blei forlatt og sit att med jule-"stemninga" aleine? Her er med andre to faktorar som effektivt dreg historia i ei negativ-jul-retning.
Jula er dessutan ei fargerik tid så det at det er fargelaust er også med på gje forteljinga eit ekstra lite puff i retning av ei jul ikkje fullt så god.
3) Fin, bevisst komposisjon og bruk av dybdeskarpheit som også hevar biletet.
Vel utført og ei godt gjennomtenkt løysing på tema!
3
Jul på vent
Id:1563
Konkurranse: Ukens bilde 2024
Runde: 2024-01-09-God jul?
1) Jul? - ja så absolutt!
2) Ser nesten ut som at jula er avlyst. Dei ganske så u-julete og u-koselege kulissane er med og forsterkar den dystre julestemninga på ein god måte. Truleg er det vel berre eit plasttre som er dekka til for å ikkje støve heilt ned fram til neste jul, men med dette tema i mente så får eg uansett følelsen av ei julefeiring som ikkje slo heilt til.
3) Enkel og ujålete komposisjon som spelar på lag med forteljinga.
4
God jul?
Id:1545
Konkurranse: Ukens bilde 2024
Runde: 2024-01-09-God jul?
Julenissen er død - kan dette verkeleg bli ei god jul?? Kreativt og absurd. Fin komposisjon i staselege kulissar som var den ekte julenissen verdig!
5
Ribba di
Id:1546
Konkurranse: Ukens bilde 2024
Runde: 2024-01-09-God jul?
Ei alternativ og god løysing på tema! Ein sjølv kan ved ettertanke få litt bismak i munnen og i det miste er det ein viss sjanse for at grisen ikkje har hatt det heilt optimalt.
6
Hva med svoren ?
Id:1553
Konkurranse: Ukens bilde 2024
Runde: 2024-01-09-God jul?
Foreldra lurer på om det blir ein vellukka julemiddag med sprø svor og guten studerar på om han han får den julegava han ynskjer seg - blir det ei god jul?
7
Tredje juledag på sykehjemmet
Id:1547
Konkurranse: Ukens bilde 2024
Runde: 2024-01-09-God jul?
Generelt har ein det vel godt i velferdsnorge sjølv om der også er historier om det motsette. Men uansett kor godt ein måtte ha det på sjukeheimen så er det på ein måte ein trist tilværelse samanlikna med det livet ein før levde. Mange er takksame og glade også her medan andre tenkjer negative tankar. Ei god løysing på God Jul med spørsmålsteikn! Rein og fin komposisjon.
8
Uten tittel
Id:1533
Konkurranse: Ukens bilde 2024
Runde: 2024-01-09-God jul?
Veldig god innhaldsmessig løysing på tema! Litt mørkt og dystert forsterkar følelsen!
9
Juledrøm
Id:1564
Konkurranse: Ukens bilde 2024
Runde: 2024-01-09-God jul?
Kreativt og visuelt spennande!
10
Julekveld med nissen
Id:1521
Konkurranse: Ukens bilde 2024
Runde: 2024-01-09-God jul?
Jul er det absolutt!
50% av befolkninga ville vel gjerne her kunne stille spørsmålsteikn ved spørsmålsteiknet i tema :) Dei andre 50% ville gjerne heller ikkje stille spørsmål dersom dei ikkje var den avbilda personen. Dvs at løysinga på tema med "?" ikkje blei dekkande uansett sidan utfallet antan er åpenbart positivt eller åpenbart negativt. Men ein kan også tenkje seg andre konstellasjonar og legningar der det kan slå begge vegar slik at "?" er på sin plass!
Dette biletet skårar godt på fargebruk, komposisjon og lys og at det er ei kreativ og gjennomarbeida løysing.