Resultat: "2025-09-01 Badeliv" - Ukens bilde 2025

Korleis kan eg som eigentleg likar ekstrem reinheit i eit bilete forsvare at eg gjev dette 1.premie? Jau, fordi her trumfar tema BADELIVET alt anna som måtte vere av evt "manglar" Alle aktivitetar innanfor badeliv er her på plass. Ligge og sove, sitte med mobilen, rusle i vasskanten, ballspell i vatnet, på veg frå stranda med kleda på - di meir kaos di meir relevant ein solskinnsdag som dette på stranda. Suveren komposisjon: Fin flatefordeling sand, himmel og hav. Kvinna i front eit fint hovedelement. Dei tre båtane perfekt plassert. Sovande mann perfekt. Mann klede oppe til høgre likeså. Guten i vatnet med hendene i veret fint plassert. Så langt heilt PERFEKT. Så er det dei elementa som er litt meir rotete - mann med gul bøye i panna og beina under haka hennar. Alt skal ikkje vere "perfekt" - litt "stein i skoen" er perfekt. Her er det passeleg med både stein og sand i skoen! ????

Reint og flott i lys, komposisjon, positur.

Badeliv til fulle - i tillegg til det våte element vist på ein enkel og spennande måte med to element (stupebrett og sprut) som fortel det som trengs.

Svært delikat i både form og farge. Ein kuliss som så absolutt assosierer badeliv. Vippa fram og tilbake mellom 2. og 3. premie, men landa altså på 3. til slutt.

Enkelt, reint, fargerikt. Dette fungerar.

Reint og enkelt i komposisjon og gråtonar. Naturlege positurar på dei badande jentene.

Ein stram og fin komposisjon. Fine fargar. Ein kuliss som så absolutt har med bading å gjere. Ein ser føre seg dei første som skal lage bølger i vatnet - er det ein småskuleklasse med skrik og skrål, er det målbevisste tenåringar som trenar til ein symjekonkurranse, eller kanskje det er ei gruppe pensjonistar som kosar seg i vatnet med viktig mosjon i kombinasjon med hyggeleg sosialt samvær?

Absolutt badeliv! Reint og enkelt i form og farge. Naturlege og fine positurar på dei tre jentene som kosar seg i vatnet.

Likar bevegelsane og uskarpheita - liv og røre og leik i vatnet. Enkel og grei komposisjon.

Fin sprut og badeglede!

Lys, farge, komposisjon, reinheit, positur, stemning, ro. Mange brikker som fell på plass her!

Reint og enkelt både i innhald og komposisjon.

Eit kreativt alternativ - badeliv vist indirekte gjennom ei dubbeleksponering ser det ut som. Utbrent i høglysa i vatnet, men her gjer det ikkje noko - det framstår då som at sola glitrar i vatnet. Fin komposisjon og justering og at det er i svartkvitt.

Fint badeliv i kveldssola med vassprut og bølger perfekt framheva i motlyset! Enkel og rein komposisjon. Knall i fargar og muligens endå knallare i svartkvitt!

Fine bølger og tonar i biletet. Lyst og lett sommarbad, men hatt og briller som piffar opp det heile.

Fargerikt og stemningsfullt. Dei to tome stolane antydar at nokon badar. Antydningens kunst.

Meir vannsport enn badeliv sjølv om bad er ein konsekvens av aktiviteten. Flott augneblink som er fanga - action. Flott farge i sjøen, med brettet i super kontrastfarge. Ville ha stramma det inn ved å beskjære i nedkant - kutte litt opp i skummet slik at ein ikkje ser steinane. Då føler ein at ein er lenger ute på havet og det blir meir dramatisk når ein ikkje ser land. Samstundes blir det reinare og meir konsentrert om det essensielle i biletet som blir større og står betre fram. Med dette enkle grepet kunne det ha stått i vippeposisjon til ein 2.plass!

Vakkert bilete! Flott i komposisjon, lys og fargar! Sjølv om det er fantastisk å hoppe eller gli ned i vatnet ein sommarkveld som dette så føler eg at biletet ber meir preg av ein arrangert fotoshoot i fine kulissar enn at det handlar om badeliv. Difor blir det aktuelle temaet her tona litt ned for meg.